12.000 år med historie

I hovudutstillinga kan du utforske dei siste 12.000 år med kysthistorie, frå sild og pote til 7 dagars bryllupsfest med alt tilbehør. I kafeen kan du nyte nysteikte lapper, kaffe og is med mer. Vi har flott terrasse med le for nordavinden. I museumsbutikken finn du mykje artig som du ikkje finn alle andre stadar.

Utforsk Ovågen på eige hand - husk badetøy

Vil du utforske Ovågen på eiga hand, er du hjarteleg velkommen til å gjere det. Vi har gratis utlån av fiskeutstyr, og vil du på skattejakt i fjøra har vi både hov og vannkikkert til låns. Og sist men ikkje minst, så har vi flotte bademoglegheiter rundt museet, inkludert ei lita sandstrand ideell for småborna. I kafeen kan du leige handduk om du har gløymd å ta med, og til og med kjøpe badetøy. 

Bli med i RIB til Øygarden visningssenter for laks

Nemnde vi at på kvardagar kan du kl 12 og 13 bli med i RIB-båten vår til visingsenteret for havbruk? Her får du møte både røktaren sjølv og laksen – og du får deg ein frisk liten tur på sjøen. Merk at dette er eit populært tilbod så her er det lurt å ringje oss på førehand å høyre om ledige billettar.